أعربت الفنانة هاجر الشرنوبي، عن استيائها من موقف تعرض له نجلها داخل احدى المدارس.
وكتبت هاجر، عبر حسابها الشخصي بموقع التواصل الاجتماعي "فيسبوك": "يا جماعة لو سمحتم عاوزة أخد رأيكم في حاجة، على أيامنا المؤسسة كان اسمها تربية وتعليم".
القبض على مجموعة من المقيمين متلبسين بتهم بينها نصب واحتيال
الأرصاد الجوية يطلق تحذيرات عاجلة للسكان من أمطار رعدية وغزيرة خلال الساعات القادمة
إجراءات صارمة.. حملة أمنية كبرى للقبض على الوافدين المخالفين وترحيلهم فوراً
طبيبة استشارية تطلق تحذير خطير من عصير القصب وتكشف عن سم قاتل يهدد حياتك وحياة ولادك!!
عشبة جبارة متوفرة في كل منزل تساعد في خفض السكر وتعزيز المناعة ودعم صحة العظام
وتابعت: "هو ينفع مدرسة فاضلة تربوية تعلم الأولاد " الفتنة"؟، ينفع تستفرد بعيال صغيرة لسه سنهم ١١ سنة،
وتقولوهم تعالوا قولولي إيه اللي بيحصل في جروب الأمهات؟".
وتابعت: "ينفع تخلي الأولاد يفتنوا على بعض وتلبس طقية ده لده، وتبقى مجندة طفل صغير يفتنلها ويبقى عصفورة على أصحابه!، طب هي مفكرتش في الولد اللي مجنداه ده هطلعه ايه لما يكبر، بتعلمه الفتنة وتخليه منبوذ قدام صحابه!" .
وواصلت: "لما تعرف إن ولي أمر اشتكى منها في الجروب واللي في المدرسة تستقصد ابنه في الفصل وتضحك عليه الأولاد، وتقلل منه الدرجات وتستقصده وتعيشه جوه المدرسة عيشة سودة!".
واستكملت: "ينفع تسيب الحصة وتقعد تصحح الامتحان وتقرأ الاجابات قدام الأولاد وتقعد تضحكهم على بعض بدل ما تعلمهم وتربيهم وتشجعهم..هي الأستاذة الفاضلة ماتعرفش إن التربية قبل التعليم ؟، وطايحة في العيال ومحدش بيعاقبها".
وأختتمت: "غالبًا المرة اللي جاية لو الموضوع طول وفضلت بالشكل ده هكتب اسمها واسم المدرسة وهحول الموضوع لرأي عام، علشان اللي بيحصل ده في نفسية الأولاد محدش هيحاسب عليه غير أولياء الأمور لما تطلع نفسية الأولاد مشوهة بالشكل ده، وحسبي الله ونعم الوكيل في كل راعي مش مسئول عن رعيته".
يذكر أن آخر أعمال هاجر الشرنوبي مسلسل "الضاحك الباكي" بطولة: عمرو عبدالجليل، فردوس عبدالحميد، رزان مغربي، ياسر الطوبجي، ومن تأليف محمد الغيطي، وإخراج محمد فاضل.
