قالت الفنانة المعتزلة زيزي عادل ، إن لو عاد بها الزمن لن تخوض تجربة برنامج ستار أكاديمي ، الذي شاركت في أحد مواسمه قبل سنوات، وكان سببا في شهرتها.

وأضافت في برنامج "كلام الناس" المعروض على قناة MBC مصر وتقدمه المذيعة ياسمين عز: "بصراحة لو

الأخبار الأكثر قراءة الان:

توقعات ليلى عبد اللطيف: 4 أبراج ستختبر سعادة لا تُصدق ومفاجآت سارة تفتح أبواب الفرحة بالفترة القادمة.. هل أنت سعيد الحظ؟

ليلى عبد اللطيف تكشف عن توقعاتها المثيرة لـ 3 أبراج فلكية.. من سيكون الأكثر حظًا في الأيام القادمة؟

تحذيرات عاجلة.. لا تقربوا هواتفكم مهما كنتم بحاجته خلال الساعات القادمة لهذا السبب

رجع بيا الزمن أكيد مكنتش هروح عشان قراراتي دلوقتي وتغيير فكري وتقربي من ربنا يخليني أقول ياريتني معملتهاش، بس أنا مش بندم لإن كل حاجة لها ترتيب ولسبب معين".

وتابعت "ستار أكاديمي تجربتي بداية النجاح والانطلاقة ، بعد البرنامج نزلت لقيت نفسي مشهورة مع إن مكانش

عندي أغاني ولا ألبومات بس مشهورة كإني بقالي 10 سنين بغني ، مصدقتش استقبال الناس في المطار لان هناك

مفيش تليفزيون ولا كان معايا موبايل مكنتش اعرف إيه اللي بيحصل برة ، بعد ما بتطلعي بيحصل صدمة انك مشهورة ومعروفة".

وكشفت عن مفاجأة، بعد سؤال ياسمين هل كانت الكاميرات موجودة في كل مكان بالبرنامج، لترد زيزي "في كل حتة كان فيه كاميرا ، الحمامات كان فيها كاميرات، بس مش في التواليت نفسه ، لكن أمام الأحواض والمرايات، وانتي بتغسلي ايدك ووشك فيه كاميرات، ودي حاجة شوية بتضايق ، وأول كام يوم كنت حاسة اني متراقبة".

في أبريل 2022، قررت الفنانة زيزي عادل اعتزال الغناء ، ونشرت مقطع فيديو عبر حسابها بموقع "إنستجرام"، قالت فيه: "أنا طالعة أقول خبر مهم جدا أخدته في حياتي، ويمكن يكون أهم خبر خدته في حياتي، هو قرار الاعتزال، قررت أسيب المهنة اللي أنا بشتغلها".

أضافت: "يمكن القرار ده ما أخدتهوش امبارح يعني، أخدته من فترة كبيرة، أنا مطلعتش أقولكم الخبر ده،  لإني كنت حابة أتكلم مع نفسي ومع الناس القريبة مني جدا، والناس دي دعمتني جدا لما قولتلهم القرار ده ، وشجعوني جدا إني أعمل كده ، أنا ببعد عن أكتر حاجة من أكتر من المغريات في الدنيا، اللي هي الشهرة، وهبعد عن الشهرة والأضواء والفنانين، اللي هي الناس بتقرب منها".

وتابعت: "الفترة اللي فاتت قربت من ربنا جدا، ولقيت القرآن بيقولي إني لازم أكون ملتزمة، لازم أكون على قد ما

أقدر أكون ملتزمة، ويمكن تكون مستغربين، إني طالعة بشعري ومش محجبة ، ده لإن ربنا لسه ما أنعمش عليه

بخطوة الحجاب، وبدعي ربنا إني ألبس الحجاب، وكل حاجة بتيجي خطوة خطوة، مفيش حاجة بتيجي مرة واحدة، فأنا خدت خطوة وإن شاء الله تيجي الخطوة اللي بعدها".

واستطردت: "عايز أقولكوا كمان إني بالنسبة للفن هو مصدر دخلي، أنا سبت حاجة بعيش منها، ولكن أنا سبت ده

وعارفة إن ربنا هيرزقني، ربنا مبينساش حد، فسايبة ده على ربنا، ومعنديش مشكلة، بالعكس راضية جدا على القرار اللي أنا أخدته ومبسوطة بيه جدا، وحابه اللي جاي من حياتي، ويمكن بعد ما أخدت القرار ده، تعرضت

لمواقف اختبار من ربنا، ولما سألت أهل العلم أفتوني بكده، وكنت محطوطة تحت ضغط أوافق أو ما أوافقش،

والاختبار كان بالنسبالي صعب شوية، خصوصا إن البني آدم ضعيف، ويمكن العرض اللي جالي مجاليش وأنا بمارس المهنة، والحمد لله قدرت أقف بدعم من الناس اللي حواليا".

وأضافت زيزي عادل: "مش عايزة أخش في حتة الفن حلال والفن حرام، عشان مبقاش طالعة بتكلم كإني داعية،

أنا طالعة أتكلم كزيزي، وطالعة أقول إني بطلع أغني، لإني مش صح، وديني بيقول كده، وأنا حابة إني أموت

وربنا راضي عني، وكلنا نمتنى حاجة زي دي، وعايزة أموت اكون مستعدة لمقابلة ربنا، وأكون راضية عن نفسي

وعن حياتي وعن شخصي وعن أفعالي، والحمد لله التزمت، وقربت من ربنا طبعا بطريقة كويسة، وربنا يكرم والتزم أكتر وأكتر، وعايزاكم تدعولي ربنا يثبتني".

زيزي عادل من مواليد 26 أكتوبر 1987 ، بدأت حياتها المهنية عقب تخرجها من معهد الموسيقى العربية، كانت

بدايتها الفنية مع برنامج المسابقات "ستار أكاديمي"، ونجحت بإثبات موهبتها في وقت قصير ، ثم انضمت إلى

شركة روتانا وأصدرت أول ألبوماتها بعنوان "واحدة طيبة" وحققت نجاحًا طيبًا، ثم أصدرت ألبومها الثاني "وعد

عليا"، وقد صوّرت العديد من الأغاني المصورة التي لاقت استحسان جمهورها.