شاهد.. الفنانة إلهام عبدالبديع تحكي كواليس خلافها مع محمد رمضان لأول مرة (فيديو)

(الواقع نت)

اختارت الفنانة إلهام عبدالبديع في برنامج "نص الكلام" المعروض على قناة النهار، وتقدمه الإعلامية راغدة

شلهوب ، أن تغني ديو مع الفنان تامر حسني، في حال أتيحت لها الفرصة، ذلك ردا على سؤالها:

"مين تحبي تغني ديو معه محمد رمضان أم تامر حسني؟"

وعلقت إلهام "سؤال صعب جدا، بحب الاتنين جدا ، بس اختار تامر".

وطلبت راغدة من إلهام أن توضح لها حقيقة الخلاف الذي وقع بينها وبين محمد رمضان ، قائلة "مصرة تزعلي

محمد رمضان، وزعلتيه قبل"، لترد الثانية "مش بالظبط كنا قاعدين في المكتب وكان بيتكلم معايا عشان مسلسل

بيعمله وقالي اخترت البطلة حلا شيحة باركتله ، وقالي إلهام لسه أدوار البنات أكيد هيكون ليكي وجود، قلتله أنا

احب اشتغل معاك بس انا للأسف السنة دي هشتغل مع أستاذ عادل إمام ، لو مشتغلتش هاجي اشتغل معاك في المسلسل".

وأوضحت "مش قصدي أنا بس كنت اديت كلمة لرامي إمام السنة اللي قبلها لما اعتذرت عن (عوالم خفية)، وقلتله

اني لو اشتغلت معاكم هعتذر عن أي حاجة تانية، وأخاف أقول لمحمد يالا انا معاك في المسلسل، ويعملوا حسابي

وبعدين أمضي مسلسل عادل إمام فاعتذر وأنا مش بحب أغير كلامي، سكت بعد ما مشيت قالولي إزاي قلتي كده،

مش قصدي يزعل مني وهو من الشخصيات الظريفة جدا ، وأتمنى أشتغل معاه طبعا".

من بين الأعمال التي شاركت فيها إلهام عبدالبديع:

فيلم "كازانوفا"، مسلسل "أهو ده اللي صار"، مسلسل "فلانتينو"، مسلسل "طاقة القدر"، مسلسل "سلسال الدم".